«Дауды азайтудың тиімді жолы — билер сотын жандандыру. Бұл мәселе күн тәртібіне сұранып-ақ тұр. Сот төрағалары билер сотын енгізу мәселесін қарастыруы керек. Әрбір елді мекенде құрметті, абыройлы азаматтар бар. Оларды дайындап, медиация курстарында оқытып, би мәртебесін беру қажет. Олар бюрократиясыз, сотсыз, сөздің күшімен-ақ қақтығысты шешіп, тараптарды ортақ шешімге келтіре алады. Сонда қоғамда дау азайып, сотқа түсіріп отырған ауырлықты жеңілдетер еді», — деп пікір білдірді Сағатбек Сүлеймен.
Оның айтуынша, бабаларымыздың билер соты сияқты мұрасын қайта жандандыруымыз керек.
«Құрметті сот төрағалары, бұл мәселенің шешім жолы өз қолдарыңызда», — деді ол Жоғарғы сот төрағасының кеңесшісі сот корпусына.