Басты бет Жаңалықтар Алматыда баскетболдан Қазақстан чемпионатының ІІ кезеңі өтеді

Алматыда баскетболдан Қазақстан чемпионатының ІІ кезеңі өтеді

Қаңтардың 22-і мен 26 аралығында Достық спорт кешенінде “Алматылық Легион” мен тағы жеті команда Жоғарғы лигада бақ сынайды. Бұл туралы ақпараттық-спорттық ХАБ хабарлайды. 

© Ақпараттық-спорттық ХАБ

ІІ тур аясында алматылықтар бес ойын өткізеді. “Алматылық Легионның” бас бапкері Олег Кисилев атап өткендей, чемпионатта барлығының күштері тең, әр команда мықты қарсылас болуы мүмкін.

Дегенмен, легионерлердің маңызды кездесулерінің бірі турдың басында шымкентттік “Казығұрт” командасымен өтеді. Алматылық жанкүйерлердің өткен маусымда шымкенттік баскетболшылардың қандай қарсылас болғаны есінде болар.

ІІ турдың нәтижелері бойынша шымкенттіктер бір ғана ұпай айырмасымен екінші орынды иеленді. Онымен қоса, І кезеңде басты қарсыластар кездеспеді, сондықтан бұл матч қызықты да тартысты ойындардың біріне айналмақ.

“Казығұрттан” бөлек, “Легион” “Ақтөбе”, “Иртыш”, “Барыс” және “Барсы Атырау 2” командаларымен бәстеседі.

Турнир, команда, ойын кестесі мен нәтижелері туралы толық ақпаратты www.al-bclegion.kz сайтынан таба аласыздар.

Бірінші болып пікір қосыңыз!

Пікір қосу

Қалдыратын пікіріңізді осында жазыңыз!
Есіміңізді жазыңыз!

Exit mobile version