Бүгінде балаларды асырап немесе қамқорлығына алушылар қатары көбейген. Балалар үйінің директоры Сәния Мусиеваның айтуынша, биылғы жылы он тәрбиеленуші мектеп бітіріп кетсе, екеуін патронаттық тәрбиеге алған, тоғызы қамқорлыққа берілсе, алтауын туған аналары келіп алып кеткен. Қалған сегіз бала отбасылық типтегі «Шаңырақ» ауылына ауыстырылған.
«Бала асырап алушылар көп. Ол үшін кейбіреуіне медаль беруге де болады. Мысалы, Дендерден келген бір отбасы 2004 жылы төрт баланы бірден асырап алды. Олардың үлкені қазір балалы-шағалы, екі қызы да тұрмыс құрған. Ал, асырап алған кезде алты жаста болған кіші қыздары қазір жоғарғы оқу орнында оқиды. Бұл отбасы мұнымен тоқтамай, тағы екі баланы асырап алды. Олардың бірі қазір колледжде оқып жатыр, кішісі 3-сыныпқа барады»,-дейді Сәния Мусиева.
Қазіргі таңда балалар үйінің тәрбиеленушілерінің онлайн-базасы құрылған. Соның көмегімен балаларды еліміздің әр өңіріндегі отбасылар асырап ала алады. Мысалы, атыраулық бір баланы Көкшетаудағы отбасы осылайша асырап алған.
Жақында Алматы облысындағы Алакөл ауданы, Жыланды ауылының әкімі Әнуарбек Жүнісбеков те осы балалар үйінен төрт қыз, екі ұл бала асырап алған.
Балалар үйі жабылған соң, оның ғимараты дарынды балаларға арналған мектеп-интернатына беріледі.
тамаша, алла денсаулық пен ұзақ ғұмыр нәсіп етсін пенделеріне
Керемет жаңалық!!! Қазақ жетімін далага тастамаган халық!!! Ата дəстүріміз кайта оралыпты!!!! Мың алғыс Аллага!!! Мың алгыс əр камкоршыга!!!! Ана үйі жобасы да өте тамаша!!! Ана үйін ашкан əр бизнесменге Алланың нұры жаусын!!!
Бір отбасыға бір баладан берсе баска асырағысы келетіндерге де мүмкіндік болатын еді
.
Қазақ жетім балдары далада қалып қоймаса екен деп тілеймін. Алла оларға өмір берсін.
Балалардың өмірі ұзақ болсын