Тәуелсіздік алаңында өткен жиынға қатысқан аймақ басшысы Мəлік Мырзалин алтын ұя аяулы мектептен түлеп ұшқан ұл-қыздарды құттықтап, сəт-сапар тіледі.
Салтанатты шарада Көкшетау қаласындағы №5 «Таңдау» көпсалалы гимназиясының түлегі, «Үздік аттестат» иегері Инур Маратова өзінің ақжарма тілегін үш тілде жеткізді.
Осы күні Көкшетау қаласы бойынша 56 «Алтын белгі» иегерлеріне 100 мың теңге көлемінде, 24 «Үздік аттестат» иегерлеріне 70 мың теңге көлемінде сертификаттар табыс етілді.
Еске сала кетейік, ағымдағы жылы Ақмола облысы бойынша 4331 түлек алтын ұя мектептерінен түлеп ұшты. Оның 214-і «Алтын белгі» -де, 97 бала үздік аттестат иегерлері.