Мемлекет басшысының жарлығымен Серік Жұманғарин премьер-министрінің орынбасары – ұлттық экономика министрі лауазымына тағайындалды. Бұл туралы Baribar.kz хабарлап отыр.
Тиісті жарлыққа мемлекет басшысы Қасым-Жомарт Тоқаев қол қойды.
Серік Мақашұлы Жұманғарин Қазақстан Республикасы премьер-министрінің орынбасары — ұлттық экономика министрі лауазымына тағайындалсын, — делінген құжатта.
Ақорданың тағайындауынан бұрын Құрылтайдың салалық комитеті премьер-министрінің орынбасары – Ұлттық экономика министрінің кандидатурасына келісім берген болатын.
ҚР құрылтайының қаржы және бюджет комитеті ҚР премьер-министрінің орынбасары – ұлттық экономика министрі лауазымына тағайындау үшін Серік Жұманғариннің кандидатурасына келісім берді. Бұл мәселе «Қазақстан Республикасының құрылтайы және оның депутаттарының мәртебесі туралы» Конституциялық заңның 30-бабына сәйкес қаралды, — деп хабарлайды құрылтайдың баспасөз қызметі.
Комитет отырысының нәтижесінде ұсынылған кандидатураны Қазақстан Республикасының премьер-министрінің орынбасары – ұлттық экономика министрі лауазымына тағайындауға болатыны туралы қорытынды қабылданды.
