Ұлттық банк қазақтың әйгілі лиро-эпостық жырына арналған «Қозы Көрпеш – Баян Сұлу» коллекциялық монетасын айналымға шығарды. Бұл туралы Baribar.kz хабарлап отыр.
Жаңа монета «Мифтер, аңыздар, әзіл әлемі» сериясына кіреді. Оны 2026 жылғы 2 қыркүйектен бастап Ұлттық банктің интернет-дүкенінен сатып алуға болады.
Ұлттық банк мәліметінше, монетаның дизайны «Қозы Көрпеш – Баян Сұлу» дастанының желісімен әзірленген. Оны дайындау кезінде тампонды баспа технологиясы қолданылған.
Монетаның сипаттамасы қандай?
Коллекциялық монета МН 25 мельхиор қоспасынан жасалған.
Негізгі сипаттамалары:
- номиналы – 200 теңге;
- салмағы – 15 грамм;
- диаметрі – 33 мм;
- сапасы – Brilliant Uncirculated;
- таралымы – 7 мың дана.
Монетаны коллекционерлер 2 қыркүйектен бастап ұлттық банктің интернет-дүкені арқылы сатып ала алады.
