Бүгін, 31 тамызда Ақордада президент Қасым-Жомарт Тоқаев бірнеше сағат бұрын вице-президент болып тағайындалған Ерлан Қаринді қабылдады. Бұл туралы Baribar.kz хабарлап отыр.
Кездесуде мемлекет басшысы вице-президент лауазымы Қазақстан Республикасының Конституциясымен бекітілгенін және оның мемлекеттік басқару жүйесінде ерекше маңызға ие екенін атап өтті.
Ақорданың мәліметінше, президент Ерлан Қаринге бірқатар нақты міндет жүктеді.
Вице-президенттің негізгі міндеттері қандай?
Ерлан Қаринге құрылтаймен, үкіметпен және басқа да мемлекеттік органдармен өзара іс-қимыл кезінде мемлекет басшысының атынан өкілдік ету тапсырылды.
Вице-президентке құрылтаймен, үкіметпен және басқа да мемлекеттік органдармен өзара іс-қимыл барысында мемлекет басшысының атынан өкілдік етіп, мемлекеттік саясаттың негізгі мәселелері бойынша ұстанымын жеткізуді тапсырды, – деп хабарлады Ақорда.
Еске салайық, бүгін құрылтайдың жалпы отырысында президент Қасым-Жомарт Тоқаев вице-президент лауазымына Ерлан Қариннің кандидатурасын ұсынған. Құрылтай депутаттары оның кандидатурасын қолдап, Ерлан Қарин Қазақстанның вице-президенті болып сайланды.
