Қазақстанда Құрылтай депутаттарын сайлау жалғасып жатыр. Бұл туралы Baribar.kz хабарлап отыр.
Орталық сайлау комиссиясының мәліметінше, сағат 12:00-дегі жағдай бойынша 4 670 816 сайлаушы бюллетень алған. Бұл сайлаушылар тізіміне енгізілген азаматтардың 37,05%-ы.
Қызылорда мен Жетісуда сайлаушылар белсенді
Сағат 12:00-дегі көрсеткіш бойынша ең жоғары белсенділік Қызылорда облысында – 47,59% тіркелді. Одан кейін Жетісу облысы – 47,29%, Түркістан облысы – 43,14%, Ақтөбе облысы – 42,53% және Шығыс Қазақстан облысы – 41,89%.
Шымкентте сайлаушылардың 41,60%-ы дауыс берсе, Қарағанды облысында бұл көрсеткіш 40,56%-ды құрады.
Ең төмен көрсеткіш Алматы қаласында – 17,87%. Маңғыстау облысында – 34,68%, Қостанай облысында – 34,72%, Ұлытау облысында – 34,93%.
Сағат 12:00-дегі сайлаушылардың қатысуы
1. Астана қаласы бойынша – 35,28%.
2. Абай облысы бойынша – 38,51%.
3. Ақмола облысы бойынша – 39,57%.
4. Ақтөбе облысы бойынша – 42,53%.
5. Алматы облысы бойынша – 39,05%.
6. Атырау облысы бойынша – 35,84%.
7. Батыс Қазақстан облысы бойынша – 35,49%.
8. Жамбыл облысы бойынша – 35,54%.
9. Жетісу облысы бойынша – 47,29%.
10. Қарағанды облысы бойынша – 40,56%.
11. Қостанай облысы бойынша – 34,72%.
12. Қызылорда облысы бойынша – 47,59%.
13. Маңғыстау облысы бойынша – 34,68%.
14. Павлодар облысы бойынша – 35,74%.
15. Солтүстік Қазақстан облысы бойынша – 38,13%.
16. Түркістан облысы бойынша – 43,14%.
17. Ұлытау облысы бойынша – 34,93%.
18. Шығыс Қазақстан облысы бойынша – 41,89%.
19. Алматы қаласы бойынша – 17,87%.
20. Шымкент қаласы бойынша – 41,60%.
ОСК сайлаушылардың дауыс беруге қатысуы туралы келесі ақпаратты сағат 14:00-де беретінін хабарлады.
