Қазақстанда 2026–2027 оқу жылындағы мектеп каникулының күндері бекітілді. Жаңа оқу жылы 1 қыркүйекте басталып, 2027 жылғы 25 мамырда аяқталады. Бұл туралы Baribar.kz хабарлап отыр.
Биыл күзгі демалыста оқушылардың қатарынан бірнеше күн қосымша демалуына мүмкіндік бар. Себебі ресми каникул демалыс күндерімен тұспа-тұс келеді.
Күзгі демалыс қашан басталады?
Бірінші тоқсан 8 оқу аптасына созылады. Ресми күнтізбеге сәйкес, күзгі каникул 2026 жылғы 26 қазаннан 1 қарашаға дейін жалғасады.
Каникул ұзақтығы – 7 күнтізбелік күн.
Алайда демалыс алдындағы 24 және 25 қазан – сенбі және жексенбі күндеріне түседі. Сондықтан оқушылар үшін демалыс күндері көбірек.
25 қазан – Республика күні
Қысқы демалыс қанша күн?
Екінші тоқсан да 8 апта.
Қысқы каникул 2026 жылғы 28 желтоқсаннан 2027 жылғы 10 қаңтарға дейін созылады. Ұзақтығы – 14 күнтізбелік күн.
Бұдан бөлек, 1-сынып оқушыларына қосымша қысқы демалыс беріледі. Олар 2027 жылғы 8–14 ақпан аралығында тағы 7 күн демалады.
Көктемгі демалыс қашан?
Үшінші тоқсан 10 оқу аптасына созылады.
Көктемгі каникул 2027 жылғы 22–28 наурыз аралығында өтеді. Оқушылар бұл кезеңде 7 күн демалады.
Төртінші тоқсан 8 оқу аптасы және оқу жылы 2027 жылғы 25 мамырда аяқталады.
