Батыс Қазақстан облысында қоғамдық тәртіпті бұзып, полиция қызметкерлерінің заңды талаптарына бағынбаған азамат 25 тәулікке әкімшілік қамауға алынды. Бұл туралы Baribar.kz хабарлап отыр.
Түнгі клуб маңында ұсталған
Облыстық полиция департаментінің мәліметінше, оқиға Бөрлі ауданының Ақсай қаласында болған.
Тәртіп сақшылары түнгі клубтардың бірінің маңында қоғамдық тәртіпті бұзған 22 жастағы жергілікті тұрғынды ұстаған.
Полицияның хабарлауынша, ер адам қоғамдық орында балағат сөздер айтып, құқық қорғау органдары қызметкерлерінің заңды талаптарын орындаудан бас тартқан.
Посмотреть эту публикацию в Instagram
Сот 25 тәулікке қамау туралы шешім шығарды
Ведомствоның мәліметінше, құқық бұзушының Әсет Кеңесов екені анықталған. Сот шешімімен ол 25 тәулік мерзімге әкімшілік қамауға алынды.
Полиция азаматтарды қоғамдық тәртіпті сақтауға және құқық бұзушылықтарға жол бермеуге шақырды.
