Қазақстанда жақында ақылы режимге көшкен үш автожол учаскесімен бір ай ішінде 528 мыңнан астам көлік жүрген. Бұл туралы Baribar.kz хабарлап отыр.
Ең көп көлік Қарағанды – Балқаш – Бұрылбайтал бағытында жүрген
«ҚазАвтоЖол» ұлттық компаниясының мәліметінше, ең жоғары көлік ағыны «Қарағанды – Балқаш – Бұрылбайтал» автожолында тіркелген.
Бір ай ішінде үш ақылы учаскедегі қозғалыс көлемі:
- Қарағанды – Балқаш – Бұрылбайтал – 290 мың көлік;
- Талдықорған – Өскемен – 181 мың көлік;
- Бұрылбайтал – Күрті – 58 мың көлік.
Ақылы жүйе шілде айында енгізілген
Еске салайық, «Қарағанды – Балқаш – Бұрылбайтал» және «Бұрылбайтал – Күрті» жол учаскелерінде ақылы жүйе 10 шілдеден, ал «Талдықорған – Өскемен» бағытында 11 шілдеден бастап жұмыс істей бастады.
«ҚазАвтоЖолдың» мәліметінше, үш жаңа ақылы жолдың ішінде ең жоғары жүктеме Қарағанды – Балқаш – Бұрылбайтал тасжолына түскен.
