Қазақстан құрамасының 17 жастағы шабуылшысы Дастан Сәтбайдың Лондонның «Челси» сапындағы алғашқы голы Аустралияда өткен Sydney Super Cup маусымалды турнирінің ең үздік голы деп танылды. Бұл туралы Baribar.kz хабарлап отыр.
Сәтбайдың голы бірінші орынға шықты
Informsports.kz мәліметінше, Дастан Сәтбай бұл голды «Уэстерн Сидней Уондерерс» командасына қарсы матчта соқты. Ол алаңның ортасынан берілген пасты қабылдап, қарсылас қорғаушыларынан озып шығып, дәл соққымен допты қақпаға тоғытқан.
Бұл гол Дастанның ғана емес, бас бапкер Хаби Алонсоның жетекшілігіндегі «Челсидің» де алғашқы голдарының бірі ретінде есте қалды.
Үздік голдар рейтиңі жарияланды
Sydney Super Cup турнирінің үздік голдары рейтиңінде:
- 2-орын – «Тоттенхэм» шабуылшысы Матис Тельдің «Сидней» қақпасына айып добынан соққан голы;
- 3-орын – Айдан Хэммондтың «Челсиге» қарсы добы;
- 4-орын – «Челси» жартылай қорғаушысы Дариу Эссугудың голы. Бұл шабуылдың басталуына Дастан Сәтбай да қатысқан;
- 5-орын – Дилан Циклунаның «Челсиге» қарсы соққан добы;
- 6-орын – «Челси» вингері Жейми Байно-Гиттенстің голы.
Айта кетейік, Дастан Сәтбай Аустралиядағы Sydney Super Cup турнирінде «Челси» сапында екі матчқа қатысты. Ол «Уэстерн Сидней Уондерерске» қарсы кездесуде гол соғып, кейін «Тоттенхэмге» қарсы ойында екінші таймда алаңға шықты.
