Түркістан облысында тойдағы құттықтау сөзінде музыканы харам деп, әншілерді «шайтанның азаншысы» деген ер адам уақытша ұстау изоляторына қамалды. Бұл туралы Baribar.kz хабарлап отыр.
Күдікті қамауға алынды
Ішкі істер министрлігінің мәліметінше, бұған дейін әлеуметтік желіде тараған бейнежазбаға байланысты Түркістан облысының 66 жастағы тұрғынына қатысты діни және әлеуметтік араздықты қоздыру белгілері бойынша қылмыстық іс қозғалған.
Күдікті ұсталып, уақытша ұстау изоляторына қамалды, – деп хабарлады полиция.
Посмотреть эту публикацию в Instagram
Қылмыстық іс қозғалған
Еске салайық, Жетісайдағы тойда түсірілген видеода ер адам музыканы харам деп атап, әншілерді «шайтанның азаншысы» деп сипаттаған. Сонымен қатар ерлер мен әйелдердің тойда бірге отыруына қатысты пікір білдірген.
Оқиға қоғамда кең талқыланып, кейін Қазақстан мұсылмандары діни басқармасы мұндай сөздерге қатысты мәлімдеме жасап, өнер өкілдерін жалпылама айыптау мен адамдардың ар-намысын қорлайтын пікірлерге жол берілмейтінін атап өткен.
