Қазақстанда «Батыл тойтарыс – 2026» оқу-жаттығуына дайындық аясында әскерлерді қайта орналастыру басталды. Бұл туралы Baribar.kz хабарлап отыр.
Қорғаныс министрлігінің мәліметінше, тамыз-қыркүйек айларында қару-жарақ, әскери техника және жеке құрам жауынгерлік даярлық өтетін аудандарға кезең-кезеңімен жеткізіледі.
Әскерлер қалай тасымалданады?
Министрліктің хабарлауынша, әскерлерді тасымалдау аралас тәсілмен жүзеге асырылады. Атап айтқанда:
- теміржол эшелондары арқылы;
- жалпыға ортақ автожолдармен жүретін әскери автоколонналар арқылы;
- майдандық және армиялық авиация көмегімен.
Қорғаныс министрлігі қандай үндеу жасады?
Оқу-жаттығу барысында құрлықта, әуе кеңістігінде, теңізде және киберкеңістікте әскерлердің бірлескен іс-қимылы пысықталады.
Осыған байланысты қорғаныс министрлігі азаматтар мен бұқаралық ақпарат құралдары өкілдерін сабыр сақтауға, тек ресми ақпарат көздеріне ғана сүйенуге және тексерілмеген ақпаратты таратпауға шақырды.
