Шығыс Қазақстан облысы бойынша Мемлекеттік кірістер департаменті әкімшілік айыппұлдарға қатысты рақымшылықтың кімдерге қолданылатынын түсіндірді. Бұл туралы Baribar.kz хабарлап отыр.
Ведомствоның мәліметінше, 2026 жылғы 1 шілдеде Қазақстан Республикасының жаңа Конституциясының қабылдануына байланысты рақымшылық жасау туралы №329-VIII Заңға қол қойылған.
Заңға сәйкес, азаматтар мен кәсіпкерлік субъектілерінің жекелеген санаттары әкімшілік айыппұл төлеуден босатылады.
Рақымшылық мына санаттарға қолданылады:
- Қазақстан Республикасы азаматтары болып табылатын жеке тұлғалар;
- жеке кәсіпкерлер;
- жекеше нотариустар;
- жеке сот орындаушылары;
- адвокаттар;
- заң консультанттары.
Бұл заң соттар салған әкімшілік жазаларға және «Қазақстан Республикасының жаңа Конституциясының қабылдануына байланысты рақымшылық жасау туралы» заңның 8-бабында көзделген жекелеген әкімшілік құқық бұзушылықтарға қолданылмайды.
