Алматыда Райымбек пен Сүйінбай даңғылдарының қиылысында қолына пышақ ұстап жүрген ер адам полиция қызметкерлері тарапынан ұсталды. Оқиға туралы құқық қорғау органдарына белсенді азаматтар хабарлаған. Бұл туралы Baribar.kz хабарлап отыр.
Оқиға қалай болды?
Полицияның мәліметінше, Жетісу ауданының патрульдік полиция экипажы оқиға орнына жедел жетіп, күдіктіні бірден анықтап, ұстаған.
Полицейлердің жедел әрекетінің арқасында көшеде жүрген тұрғындардың ешқайсысы зардап шекпеген. Алдын ала мәлімет бойынша, ұсталған ер адам мас күйде болған.
Посмотреть эту публикацию в Instagram
Полиция не мәлімдеді?
Алдын ала мәлімет бойынша, ер адамның отбасында жанжал туындаған. Сөзге келіспеушіліктен кейін ол асүй пышағын алып, көшеге шыққан. Қазір аталған дерек бойынша Жетісу аудандық полиция басқармасы тексеру жүргізіп жатыр, — делінген хабарламада.
Полиция ұсталған азаматтың әрекетіне құқықтық баға берілетінін хабарлады.
