Павлодар облысының Баянауыл ауданындағы «Майкубен Вест» кәсіпорнында жұмысшы қаза болды. Бұл туралы Baribar.kz хабарлап отыр.
Ақпаратты облыстық мемлекеттік еңбек инспекциясы департаменті растады.
Жазатайым оқиға бұрғылау-жару жұмыстары кезінде болған
Мемлекеттік еңбек инспекциясы департаментінің мәліметінше, 1984 жылы туған тау-кен шебері алдын ала бұрғылау-жару жұмыстарын жүргізу кезінде ауыр жарақат алған.
Қайғылы оқиға 24 шілдеде Баянауыл ауданындағы кәсіпорын аумағында болған. Қазір жазатайым оқиғаға байланысты тергеу ұйымдастырылып, оқиғаның барлық мән-жайы тексеріліп жатыр, — делінген хабарламада.
