Қазақстан әншіcі Ерке Есмахан көптен күткен жеке альбомын шығарды. Альбомға 9 ән енген және олардың әрқайсысына жеке бейнебаян түсірілген. Барлық бейнебаян ресми YouTube арнасында жарияланған. Бұл туралы Baribar.kz хабарлап отыр.
«Дәл қазір арқамнан жүк түсіп, қуанышым қойныма сыймай, шығармашылық ләззат алып отырмын!», – деп жазды әнші Instagram парақшасында.
«Дауыс» альбомына енген әндер:
- «Наз»;
- «Бұрымы аппақ Анашым»;
- «Әлди-әлди»;
- «Гүлдер-ай»;
- «Тарам-тарам»;
- «Бақытты қыз»;
- «Сен»;
- «Алматы» (RaiM-мен дуэт);
- «Өзіңді сүй».
Жобаның музыкалық концепциясын әзірлеуге әншінің жұбайы, RaiM де атсалысқан. Альбомдағы жалғыз дуэт шығарма – «Алматы» әні.
Бұған дейін Ерке Есмахан үш жыл бойы декреттік демалыста болғанын айтып, осы уақыт ішінде жазылған жаңа әндерін бір альбомға топтастырғанын мәлімдеген еді. Әншінің сөзінше, альбомды дайындау жұмыстары алты айға созылған.
