21 шілдеде Қазақстанның басым бөлігінде ауа райы құбылмалы болады. Синоптиктердің болжамынша, көптеген өңірде жаңбыр жауып, найзағай ойнайды, кей жерлерде бұршақ түсіп, жел күшейеді. Бұл туралы Baribar.kz хабарлап отыр.
Елдің көп бөлігінде жаңбыр мен найзағай күтіледі
«Қазгидромет» мәліметінше, елдің көптеген өңірінде жаңбыр жауып, найзағай ойнайды. Кей жерлерде нөсер жаңбыр жауып, бұршақ түседі, сонымен қатар желдің күшеюі болжанып отыр.
Астанада күндіз +23…+25 градус болып, жаңбыр, найзағай және бұршақ күтіледі. Алматыда күндіз +34…+36 градусқа дейін ысиды, өткінші жаңбыр жауып, найзағай ойнайды. Шымкентте де күндіз +33…+35 градус болып, өткінші жаңбыр мен екпінді жел болжанған.
Ең жоғары температура Талдықорғанда болады
21 шілдеде ең жоғары ауа температурасы Талдықорғанда тіркеледі. Мұнда күндіз ауа температурасы +37…+39 градусқа дейін көтеріледі.
Сонымен қатар Қонаевта +36…+38, Түркістанда +35…+37, Өскеменде +34…+36, Таразда +34…+36 градус ыстық болады. Ал Қызылордада жауын-шашынсыз ауа райы сақталып, күндіз шаңды дауыл мен екпінді жел күтіледі.
