Economist Intelligence Unit (EIU) 2026 жылға арналған Global Liveability Index рейтиңін жариялады. Сарапшылар әлемнің 173 қаласын тұрақтылық, денсаулық сақтау, білім беру, инфрақұрылым, мәдениет және қоршаған орта сияқты көрсеткіштер бойынша бағалап, өмір сүруге ең қолайлы қалаларды анықтады. Бұл туралы Baribar.kz хабарлап отыр.
Қалалар қалай таңдалады?
Жыл сайын жарияланатын рейтиңте әлемнің 173 қаласы тұрақтылық, денсаулық сақтау, мәдениет пен қоршаған орта, білім беру және инфрақұрылым сияқты көрсеткіштер бойынша бағаланады. Биылғы үздік бестікке Копенгагеннен кейін Вена, Мельбурн, Сидней және Цюрих енді. Бұл Еуропа қалаларының жоғары өмір сапасын сақтап отырғанын, Аустралия қалаларының да үздік көрсеткіштерін жалғастырып жатқанын көрсетеді.
Әлемде өмір сүруге қолайлы 10 қала
2026 жылғы рейтиң бойынша алғашқы ондыққа мыналар енді:
| 🏆 Орын | 🌍 Қала | Ел |
|---|---|---|
| 🥇 1 | Копенгаген (Copenhagen) | 🇩🇰 Дания |
| 🥈 2 | Вена (Vienna) | 🇦🇹 Аустрия |
| 🥉 3 | Мельбурн (Melbourne) | 🇦🇺 Аустралия |
| 4 | Сидней (Sydney) | 🇦🇺 Аустралия |
| 5 | Цюрих (Zurich) | 🇨🇭 Швейцария |
| 6 | Женева (Geneva) | 🇨🇭 Швейцария |
| 7 | Осака (Osaka) | 🇯🇵 Жапония |
| 8 | Аделаида (Adelaide) | 🇦🇺 Аустралия |
| 9 | Ванкувер (Vancouver) | 🇨🇦 Канада |
| 10 | Токио (Tokyo) | 🇯🇵 Жапония |
Айырмашылықтар
2026 жылы әлем бойынша өмір сүруге қолайлылық деңгейі айтарлықтай өзгермегенімен, бұл көрсеткіштің артында өңірлер арасындағы айырмашылықтар байқалады.
Таяу Шығыста Ирандағы соғысқа байланысты тұрақтылық деңгейі төмендеп жатса, Азияның көптеген қаласында денсаулық сақтау саласына салынған ұзақ мерзімді инвестициялардың арқасында өмір сапасы жақсарған. Ал Қытай қалаларының рейтиңі жоғарылап, Солтүстік Америкадағы Нью-Йорк сияқты ірі қалаларда да тұрақтылық көрсеткіштері жақсарған. Бұл қалалардың даму бағытын айқындайтын негізгі факторлардың қарқынды өзгеріп жатқанын көрсетеді.
