Қонақүй әдебі: Британ сарапшысы ұсынған кеңестер

Ақша төлеген соң бәріне құқылымын деп ойлайтын жандар бар. Тіпті, кейбірі бөлмені шашып кетеді немесе қызметкерлермен дөрекі сөйлеседі. Ал өз үйінде олар бұлай жасамас еді, – дейді ол.

Hotels.com жүргізген зерттеу бойынша, кей британ туристері таңғы ас кезегін бұзып өтеді, бассейн жанындағы шезлоңдарды сүлгімен брондап қояды, қонақүй бөлмесінде темекі шегеді. Соған қарамастан, сауалнамаға қатысқандар өздерін әлемдегі ең сыпайы саяхатшылардың бірі санайды.

«Демалысыңыз ойдағыдай өту үшін қызметкерлерді құрметтеңіз»

Хэнсонның айтуынша, қонақүйге кірген сәттен бастап қызметкерлер де қонақ туралы алғашқы пікірін қалыптастырады. Егер сіз сыпайы сөйлесіп, қызметкерлерді атымен атасаңыз, олар сізге әркез көмектесуге дайын болады.

Егер консьерж өзін таныстырса, оның есімін есте сақтап, кейін атымен сөйлесіңіз. Сонда ол сізді жай ғана қонақ емес, сыйлы адам ретінде қабылдайды, – дейді маман.

«Жақсы қызмет үшін алғыс білдіріңіз»

Сарапшы көбі қонақүй туралы пікірді әлдебір дүние ұнамай қалған кезде ғана жазатынын айтады. Алайда қызметкерлер ерекше құрмет танытып немесе таңғы ас көңілден шықса, оны да жазу керек.

Егер қонақүй туралы 10 теріс пікір болса, жарияланбай қалған 100 жақсы пікір болуы мүмкін, – дейді ол.

«Қонақүй дәлізінде шу шығармаңыз»

Қонақүйде адамдар тек түнде ұйықтамайды. Кейбірі түнгі ауысымнан кейін күндіз демалады. Сондықтан дәлізде айқайлап, қатты сөйлеп немесе балалардың жүгіріп ойнамағаны жөн.

Қонақүй дәлізі тыныш болуы керек. Әр бөлмедегі қонақтың жай-күйі қандай екенін ешкім білмейді, – дейді сарапшы.

Ұрланған зат кәдесый емес

Хэнсон қонақүйден қандай заттарды алып кетуге болатынын да түсіндірді.

Алып кетуге болатын заттар:

• бір реттік тәпішке;
• мақта дискілері;
• тырнақ егеуіш;
• тігін жинағы.

Ал мыналарды алып кету – ұрлық:

• фен;
• сүлгі;
• халат;
• төсек жабдықтары.

«Жүгіңізді өзіңіз сүйремеңіз»

Жоғары санаттағы қонақүйлерде жүк тасуға жауапты қызметкерлер болады.

Сондықтан бөлмеден шығар алдында консьержге қоңырау шалып, жүгіңізді алып кетуді сұрауға болады.

Бұл – олардың қызметі. Сондықтан көмек сұраудан ұялудың қажеті жоқ. Қонақүйге төлем жасағанда бұл қызмет те ақы сомасына кіреді, – дейді Уильям Хэнсон.

Саяхатқа шыққанда жатын орнын қалай таңдау керек? Турагенттің кеңесін мына жерден оқыңыз.