Қазақстан президенті Қасым-Жомарт Тоқаев халықты конституция күнімен құттықтады. Құттықтау мәтінін «Ақорда» жариялап отыр.
Баршаңызды конституция күнімен құттықтаймын! Осыдан 30 жыл бұрын өткен референдумда халқымыз Ата заңын қабылдап, тарихи таңдауын жасады. Конституциямыз Қазақстан Республикасы тәуелсіздігінің, қазақ мемлекеттілігінің берік тұғырына айналды, – делінген құттықтауда.
Естеріңізге сала кетейік, 2022 жылғы маусымда Қасым-Жомарт Тоқаевтың бастамасымен Конституцияға 56 өзгеріс енгізіліп, баптардың үштен бірі өзгертілген.
Билік бұл өзгерістерді президент билігін әлсіретіп, парламент құзыретін арттыратын реформа деп дәріптеуге тырысқан. Алайда кей сарапшы президент билігі күшті жүйе өзгерген жоқ деп есептейді.