Мәжіліс депутаты Асхат Аймағамбетов мектеп асханасындағы қауіпсіздікті қамтамасыз етудің жаңа форматын ұсынды.
Мектептерді тексеру — жазалау ма, әлде шынайы бақылау ма? Санэпид қызметкерлері мектепке, балабақшаға келгенде не болады? Асхана жабыла ма, директорға айыппұл салына ма? Қауіпсіздік қалай? Бұл сұрақтар көптеген ата-ананы, мұғалімді, тіпті кәсіпкерлерді де мазалайды. Жылдар бойы қалыптасқан жүйе нақты бақылаудан гөрі формалдылыққа айналып кеткендей еді. Бірақ біз мұны өзгертпекпіз, — деп жазды Асхат Аймағамбетов Telegram-парақшасында.
Одан әрі халық қалаулысы жылдар бойы қордаланған проблемаларды атады:
- Тексеріс туралы алдын ала ескерту қажет;
- Қызметкерлер өзімен бірге рұқсат қағазын жинауы тиіс;
- Айыппұл мектеп директорына салынады, оның заң бұзушылыққа тікелей қатысы болмаса да;
- Шынайы бақылау мүмкін емес.
Енді мектептерде:
- Бақылау «күтпеген» форматқа көшеді, енді алдын ала ескерту болмайды;
- Бастапқы тексеруде айыппұл салынбайды, алдымен ескерту, кеңес, ұсыныс беріледі;
- Мектептер мен лагерьлерде жыл сайын оқу жылы алдында жоспарлы тексеріс жүргізіледі;
- Қаржылық шығынды талап ететін заң бұзушылықтар үшін директор емес, әкімдік жауапты болады;
- Балалардың өміріне қауіп төнген жағдайда, жедел шара қолданылады, яғни уақытша жабу, қызметкерді шеттету және тағы басқа;
- Мектеп асханасы жеткізушілерінің тізімі жасақталады, қызметіне адал емес жеткізушілерге тосқауыл қойылады.