Не болды?
Жапония үкіметі Семейдегі ядролық сынақтардан зардап шеккендерге 4 миллиард теңге грант бөледі. Бұл туралы 24.kz хабарлап отыр.
Мәлімет
Бұл қаражатқа Семей медициналық университеті госпиталіне мынадай құрал-жабдық алынады:
- магниттік-резонанстық және компьютерлік томографтар;
- видеоэндоскопиялық жүйе;
- жасанды қан айналымы аппараты;
- диагностика мен емдеуге қажет басқа да құралдар.
Келіссөз сәтті аяқталса, 2026 жыл соңында жабдықтар алынып, соның негізінде госпитальде Инсульт орталығы да іске қосылады.
Бұл шара биыл Хиросима мен Нагасаки қасіретіне 80 жыл толғанына, ал келер жылы Семей полигонының жабылғанына 35 жыл толғанына орай қолға алынған.
Контекст
Бұл саладағы Жапония мен Қазақстан ынтымақтастығы 2002 жылдан басталған. Содан бері Семейде жапон тәжірибесі негізінде радиациядан зардап шеккендер тіркеліп жатыр.