Алматылық «Қайрат» клубының Чемпиондар лигасындағы қарсыластары белгілі болды. Бұл туралы Қазақстан футбол федерациясы хабарлап отыр.
Монакода УЕФА Чемпиондар лигасы жалпы кезеңінің жеребесі тартылды.
«Қайрат» «Реал», «Интер», «Арсенал», «Брюгге», «Спортинг», «Олимпиакос», «Пафос» және «Копенгаген» командаларымен кездеседі. Чемпиондар лигасында «Қайрат» сегіз ойын ойнайды. Оның төртеуі өз елінде болса, төртеуі «қонақта».
Алматыда «Қайрат» мадридтік «Реалды», бельгиялық «Брюггені», гректердің «Олимпиакосын» және кипрлік «Пафос» клубтарын қабылдайды. Сыртта команда Миланның «Интер», Лондонның «Арсенал», Португалияның «Спортинг» және Данияның «Копенгаген» командаларымен кездеседі.
Ойындар 16 қыркүйек пен 28 қаңтар аралығында өтеді. Нақты күнтізбе алдағы уақытта белгілі болады.
Еске салайық, 27 тамызға қараған түні өткен УЕФА Чемпиондар лигасының іріктеу плей-офф кезеңіндегі матчта қазақстандық «Қайрат» шотландиялық «Селтикті» пенальти сериясында 3:2 есебімен ұтып, тарихи жеңіске жетті.