Алматы тауларында 18 жастағы турист құтқарылды. Бұл туралы төтенше жағдайлар министрлігінің баспасөз қызметі хабарлап отыр.
«БАУ» бақылау-құтқару пунктінің экипажы қызметтік машинамен Проходное шатқалының тұрағына келіп, 3 сағаттай жаяу жүріп өтініш қалдырған жігітті іздеген. Ол күндіз достарымен бірге тауға шығып, бірақ топтан қалып, адасып қалған.
Нәтижесінде адасқан жігіт Терра алаңы маңында табылып, құтқарушылар оны тау жетегіне дейін сүйемелдеді. Тәжірибесі аз турист түн ішінде қатты тоңған. Бойынан тау ауруы белгілері білінген. Жас жігіт медициналық көмекке жүгінбеген.
Тауға шықпас бұрын өз тәжірибеңіз бен физикалық мүмкіндіктеріңізді ескере отырып маршрутты жоспарлау қажеттігін еске салады, – делінген хабарламада.