Алматыда 1990 жылы пайдалануға берілген құбыр желісін жөндеу жұмыстарына байланысты Райымбек даңғылында қозғалыс уақытша шектеледі.
Бұл туралы «Алматы жылу жүйесі» ЖШС хабарлап отыр.
18 шілде сағат 22:00 бастап 19 шілде сағат 08:00 дейін Райымбек даңғылының бойымен Сейфуллин даңғылынан бастап Бөкейханов көшесіне дейін екі бағытқа қарай автокөлік қозғалысы жартылай шектеледі.
Уақытша шектеулер алдағы жылыту маусымына дайындық аясында 1990 жылы пайдалануға берілген магистральді құбыр желісінде жөндеу жұмыстарын қауіпсіз жүргізу үшін енгізіліп отыр.
Естеріңізге сала кетейік, қозғалысты шектеуге қатысты барлық ақпарат @AlmatyJoly Telegram-арнасында, аудан әкімдігінің әлеуметтік желілерінде, сонымен қатар 2GIS және «Яндекс карталар» сервистерінде жарияланған. Уақытша қолайсыздыққа түсіністікпен қарауларыңызды сұраймыз, — делінген хабарламада.