Үкімет коммуналдық қызметтер тарифін көтеруді кейінге қалдырды. Бұл туралы үкіметтің баспасөз қызметі хабарлап отыр.
Бірінші жартыжылдықта инфляцияның өсуіне (16,1%) ақылы қызметтер көп әсер еткен.
Осыған байланысты үкімет коммуналдық қызметтер тарифінің өсу қарқынын реттеу туралы шешім қабылдады. Олардың өсуін ішінара кейінге қалдырды. Бұл азаматтардың қаржылық жүктемесін азайтуға және инфляция деңгейін тұрақтандыруға мүмкіндік береді, — делінген хабарламада.