«Қазгидромет» алдағы үш күнге арналған күн райы болжамын жариялады.
Республика аумағының басым бөлігінде ауа райына циклон мен соған қатысты атмосфералық фронтальды бөлік әсер етеді. Жаңбыр жауып, найзағай ойнауы мүмкін.
1 шілдеде еліміздің батысы мен шығысында, 3 шілдеде солтүстік-батысында бұршақпен бірге қатты жаңбыр жаууы ықтимал. Тек орталықта, оңтүстікте және оңтүстік-шығыста күн негізінен жауын-шашынсыз болады. Батыс және оңтүстік өңірлерде жел күшейіп, шаңды дауыл тұруы мүмкін, — делінген хабарламада.
Күндіз термометр бағаны оңтүстік-шығыста 35-39 градус аптап ыстықты, 2-3 шілдеде орталықта 35-38 градусты, оңтүстікте 40-44 градусқа дейінгі қатты ыстықты, 3 шілдеде солтүстікте 30-35 градус жылыны көрсетеді.