Алматы тауларында студент қыз қайтыс болды. Бұл дерек бойынша полиция тергеу жүргізіп жатыр.
Бұл туралы «ҚазАқпарат» хабарлап отыр.
2 мамырда Алма-Арасан шатқалында таудан тас құлаған болатын. Осы оқиғадан студент қыздың жарақат алып, қайтыс болғаны туралы ақпарат әлеуметтік желіде тарады.
Алайда Алматының төтенше жағдайлар департаменті қыздың мәйіті «Горельник» шатқалына жақын маңда 4 мамыр күні табылғанын және Алма-Арасан шатқалындағы оқиғаға қатысты жоқ екенін мәлімдеді. Қазіргі уақытта бұл дерек бойынша Медеу аудандық полиция басқармасы тексеру жүргізіп жатыр.
Оқиғаның мән-жайы анықталып жатыр.