Басты бет Жаңалықтар Жеңістің 80 жылдығы: әскери парадқа дайындық қалай жүріп жатыр?

Жеңістің 80 жылдығы: әскери парадқа дайындық қалай жүріп жатыр?

Фото: Akorda.kz
Астанада Жеңістің 80 жылдығына арналған әскери парадқа дайындық жалғасып жатыр. Бұл туралы қорғаныс министрлігінің баспасөз қызметі хабарлап отыр.

Даладағы лагерьде дайындықтың негізгі кезеңдері аяқталды. 203 шатыр, 11 тірек пункті, тұрмыстық қызмет көрсетуге арналған 12 шатыр, жеті дала монша кешені, далалық аурухана, сонымен қатар көлік паркі мен жабдықтарды жөндеу-қалпына келтіру пункттері орнатылды, — делінген хабарламада.

Парадқа қатысушылардың дені қазірдің өзінде елордаға келіп, барлық бөлімшенің біртұтас күшіне бірігіп, жаттығуларын күшейтіп жатыр.

Парадқа қатысатын әскерилердің саны 4 мыңнан асады, оның 200-ден астамы – әскери қызметші қыз-келіншектер. 300-ден астам әскери және техника сап түзеп жүріп өтеді. Әуе шеруіне әр түрлі типтегі 66 ұшу аппараты қатысады, — делінген хабарламада.

Exit mobile version