Мемлекет басшысы Самарқан қаласына барды. Бұл туралы Ақорданың баспасөз қызметі хабарлап отыр.
Қасым-Жомарт Тоқаев «Орталық Азия – Еуропа Одағы» саммиті мен «Жаһандық климат сын-қатерлері кезеңіндегі Орталық Азия» халықаралық конференциясына қатысу үшін Самарқанға барды, — делінген хабарламада.
Президентті әуежайда Өзбекстан премьер-министрі Абдулла Арипов қарсы алды.
Еске сала кетейік, бұған дейін Өзбекстан президенті Шавкат Мирзиёев Қазақстанға жұмыс сапарымен келген болатын.