Самарқанда өтетін «Орталық Азия–Еуропалық одақ» саммитіне байланысты қала үш күнге жабылады.
Аймақтық ішкі істер департаменті таратқан мәлімет бойынша, 3-5 сәуір күндері қалада 12 бірдей көшеде көлік қозғалысына шектеу енгізіледі. Ал Самарқандқа кіретін жолдар уақытша жабылады.
Саммит кезінде транзиттік көліктер айналма жолмен өтеді. Ол үшін көлік жүргізушілеріне арнайы флаерлер таратылады. Ондағы QR-кодпен айналма жолдың бағдарын шығарып алуға болады.
Ішкі істер органдары Самарқанға келгісі келетін адамдарға өз саяхатын кейінге шегеруге кеңес берді.
Айта кетейік «Орталық Азия–Еуропалық одақ» саммиті Өзбекстанның төрағалығымен өтеді. Оған Қазақстан, Қырғызстан, Тәжікстан және Түрікменстанның басшылары қатысады. Ал Еуропалық одақтың атынан Еуропалық кеңестің төрағасы Антониу Кошта мен Еуропалық комиссияның басшысы Урсула фон дер Ляйен келеді.