Еріген қар сулардың салдарынан Қарағанды және Ақмола облыстарында жол қозғалысына шектеу қойылды. Бұл туралы “ҚазАвтоЖол” мәлімдеп отыр.
22 наурыз сағат 08:00 жағдай бойынша еріген қар сулардың салдарынан үш облыстағы үш республикалық маңызы бар автомобиль жолдарында көлік қозғалысына шектеу қойылды.
Ақтөбе облысында «Қандыағаш — Ембі- Шалқар — Ырғыз» автожолының 3-92 шақырым аралығы (Қандыағаш қаласы — Ембі қаласы).
Қостанай облысында «Мариновка ауылына кіреберіс» автожолының 9 шақырым аралығы.
Солтүстік Қазақстан облысында «Петропавл қаласының айналма жолы» автожолының 4-7 шақырымы аралығында (Қожаберген жырау айналма жолынан Есіл өзені арқылы өтетін көпірге дейін).
Барлық учаскеде айналма жолдар қарастырылған. Қазіргі таңда республикалық жолдарды күтіп-ұстауға 105 арнайы техника мен 158 маман жұмылдырылды, — делінген хабарламада.