Apple компаниясы M4 чипіндегі жаңа MacBook Air нұсқаларын жариялады. Ол алдыңғы нұсқасынан айтарлықтай асып түседі. Бұл туралы Baribar.kz ақпарат агенттігі хабарлайды.
Модель екі нұсқада қолжетімді: 13 және 15 дюймдік экрандармен жабдықталған. Apple компаниясының мәлімдеуінше, жаңа MacBook Air бұрынғы модельден екі есе жылдам және жасанды интеллект есептеулерінде үш есе тиімділігін көрсетті.
M4
Apple M4 жаңа чипсеті 10 ядролы CPU және 10 ядролы GPU-мен жабдықталған, сонымен қатар 32 ГБ-қа дейін біріктірілген жадты қолдайды (24 ГБ-ның орнына). Стандартты конфигурацияда 16 ГБ жедел жад беріледі.
Тағы не бар?
Маңызды жаңартулардың бірі – Center Stage функциясы бар 12 мегапиксельді веб-камера. Ол адамның қозғалысын бақылап, кадрда ұстауға мүмкіндік береді. Жаңа камера сонымен қатар Desk View функциясын қолдайды, ол үстелде болып жатқан оқиғаларды бұрмаламай түсіруге мүмкіндік береді. MacBook Air енді 6К ажыратымдылығы бар екі сыртқы дисплейді қолдайды.
Бағалары
Бағасы 16 ГБ жедел жады және 256 ГБ жады конфигурациясы бар жаңа 13 дюймдік MacBook Air – 999 доллар (~500 000 теңге), бұл бұрынғы модельге қарағанда 100 долларға арзан. 15 дюймдік экраны бар модель 1199 долларға (~600 000 теңге) бағаланған. Ноутбук жаңа Sky Blue түсінде, сондай-ақ бұрыннан таныс нұсқаларда: Silver, Starlight және Midnight түстерінде қолжетімді болады. Space Gray реңіндегі модель енді ұсынылмайды. Жаңа MacBook Air сатылымы 12 наурызда басталады, алдын ала тапсырыс қабылданып жатыр.