Жаңаөзенде мешіт өртеніп, жеткіншек ауыр жағдайда ауруханаға түсті. Бұл туралы облыстық ТЖД хабарлап отыр.
Оқиға 6 наурыз кешке болған. Төтенше жағдайлар мамандарының айтуынша, мешіттің кілемі өртенген.
Шаңырақ ықшам ауданында кешке қалалық мешітте өрт болды. 40 шаршы метр аумақ жанған. Өрттің неден шыққаны тексеріліп жатыр, — делінген хабарламада.
Ал өрттен зардап шеккен 11 жастағы жасөспірімнің жағдай ауыр дейді дәрігерлер.
Бала термиялық күйік алған, бет-аузы, мойны, жоғарғы тыныс алу жолдары, жалпы денесінің біраз бөлігі күйіп қалған. Қазіргі уақытта баланың жағдайы ауыр. Қажет ем-шаралар жасалып жатыр, — дейді Жаңаөзен қалалық ауруханасының мамандары.