Алматыда заңсыз сауда нысандарын бұзу жұмыстары жалғасып жатыр. Бұл туралы әкімнің баспасөз қызметі хабарлап отыр.
Баспасөз қызметінің мәліметінше, мониториң барысында 500-ге жуық заңсыз орналастырылған стационарлық емес сауда нысаны анықталды.
4 ақпаннан бастап көше саудасы нысандарын бұзу жұмыстары жүріп жатыр. Қазір мемлекеттік қор жерлерінде орналасқан 290 сүрілді. Қалған 210-ы 15 наурызға дейін бүзылады. Коммуналдық қызметтер бұл нысандарға заңсыз қосылған инженерлік желілерді ажыратады.
Сонымен қатар осы жұмыс аясында 222 ойын-сауық аппараты (силомерлер) жойылды. Бұған қоса, қалада жер учаскелеріне мықтап бекітілген 32 күрделі құрылыс анықталды. Жұмыс тобы оларды мәжбүрлі түрде бұзуды ұйымдастыру мақсатында сотқа талап-арыз жіберуге бастамашылық жасады, – делінген хабарламада.
Заңсыз стационарлық емес сауда нысандарын анықтау және оларды бұзу жұмыстарын Алматы қаласының кәсіпкерлік және инвестициялар басқармасы мен аудан әкімдіктері жүргізеді.