Басты бет Жаңалықтар Қазақстанда АЭС салынатын орын белгілі болды

Қазақстанда АЭС салынатын орын белгілі болды

Иллюстрация: Бекзат Исамбергенов/Baribar.kz
Еліміздегі алғашқы атом электр станциясы Алматы облысындағы Жамбыл ауданында салынады. Бұл туралы премьер-министр Олжас Бектенов қол қойған құжаттан белгілі болды.

Қаулы 30 желтоқсанда қабылданған.

Алматы облысының Жамбыл ауданы – «Атом электр станциясы» ядролық қондырғысы салынатын аудан туралы шешім қабылдансын, – делінген қаулыда.

Қаулы бүгіннен бастап қолданысқа енгізіледі.

Еске салсақ, бұған дейін үкіметтің кеңейтілген отырысында премьер-министр Олжас Бектенов Қазақстандағы алғашқы атом электр станциясын (АЭС) салу бойынша келісімдердің жақын арада жасалатынын мәлімдеп отырғанын хабарлаған болатынбыз.

Exit mobile version