Басты бет Жаңалықтар Кейінгі екі жылда 1 мыңнан астам атыс қаруы тәркіленді

Кейінгі екі жылда 1 мыңнан астам атыс қаруы тәркіленді

Фото: Polisia.kz
ІІМ ұйымдасқан қылмысқа қарсы күрес бөліністері тұрақты негізде қару, оқ-дәрі мен жарылғыш заттарды табу және тәркілеу жөніндегі жұмыс жүргізіп жатыр.

Бұл туралы ІІМ хабарлап отыр.

Биылғы жылдың басынан бастап жедел-іздестіру іс-шараларын жүргізу барысында 20 атыс және травматикалық қару, оның ішінде төртеуі қаңтар оқиғасы кезінде жоғалған, сонымен қатар граната және 150-ден астам әртүрлі калибрлі оқ-дәрі тәркіленді.

Мысалы, Алматы қаласының ұйымдасқан қылмысқа қарсы күрес басқармасы тергеу изоляторының қызметкерлерімен бірлесіп, Түрксіб ауданында қару жасырылған жерді анықтады.

Үш шолақ мылтық, үш тапанша, төрт граната, шамамен 50 патрон, сонымен қатар қаңтар оқиғасы кезінде қару-жарақ дүкенінен ұрланған карабин тәркіленді. Тараз қаласында екі шолақ мылтық және қаңтар оқиғасы кезінде ұрланған жауынгерлік арбалет табылды. Ақтөбеде 56 патроны бар ТОЗ винтовкасы мен Ф-1 гранатасы тәркіленді. Алматы облысында екі қару, РГД-5 гранатасы және Калашников автоматының 20 патроны, сонымен қатар қаңтар оқиғасы кезінде ұрланған екі Макаров тапаншасы табылды. Талдықорған қаласында жергілікті тұрғынның автокөлігінен бес травматикалық тапанша тәркіленді.

Кейінгі екі жылда ұйымдасқан қылмысқа қарсы күрес бөліністері заңсыз айналымнан 1000-нан астам қару-жарақ тәркіледі, оның ішінде қаңтар оқиғасы кезінде ұрланған 130 қару бар. Бұл бағыттағы жұмыс ішкі істер министрлігінің ерекше бақылауында, — деді ІІМ ұйымдасқан қылмысқа қарсы күрес департаментінің өкілі Қуандық Алпыс.

Exit mobile version