Басты бет Жаңалықтар Аягөз қаласының бір бөлігі жарықсыз қалды

Аягөз қаласының бір бөлігі жарықсыз қалды

Фото: Бақдәулет Әбдуалы/Baribar.kz
Абай облысында «Біріккен энергосервистік компаниясы» АҚ-ға қарасты электр жабдықтау қосалқы станциясының өртенуі салдарынан елді мекендер жарықсыз қалды.

Бұл туралы облыс әкімдігі хабарлап отыр.

Өрт 18 желтоқсанда сағат 23.30-даАягөз ауданында болды. Өрт сөндіру жұмыстарына төрт өрт сөндіру көлігі, 15 қызметкер жұмылдырылды.

Сағат 23:59-да өрт оқшауланды, зардап шеккендер жоқ. Қазіргі уақытта өрттің себебін анықтау жұмыстары жүргізіліп жатыр.

Қалпына келтіру жұмыстары нәтижесінде Мамырсу ауылдық округі және Аягөз қаласынан басқа барлық ауылдық округ электр энергиясымен қамтамасыз етілді, — деп жазылған хабарламада.

Қала бойынша бірінші кезекте орталықтандырылған алты жылу қазандығын іске қосу жұмыстары қолға алынып, қазіргі таңда бесеуі іске қосылды. Біреуі қосылып жатыр.

«БЭСК» АҚ Үржар, Жарма аудандары мен Өскемен және Семей қалаларынан келген жеті, сонымен қатар аягөздік үш бригада жөндеу жұмыстарын жүргізуде. Қалпына келтіру жұмыстарына барлығы 30-ға жуық маман жұмылдырылды.

Exit mobile version