TikTok платформасы 2024 жылғы ең жарқын сәттерді және авторларды атап өтіп, жылды қорытындылады.
2024 жылды қорытындылап, жыл ішінде платформада өзін айқын көрсете білген және контент жасаудағы бірегей көзқарасы арқасында ерекше көзге түскен креаторлардың есімі жарияланды.
Қазақстандағы авторлар қабілетін көрсетіп, үш жыл қатарынан Канн кинофестивалі аясында өткен #TikTokShortFilm байқауына қатысты. Қазақстан азаматтары үшін мәдениет және ақпарат министрлігінің қолдауымен «Қазақстандағы үздік фильм» және «Қазақ тіліндегі үздік фильм» деген екі номинацияда өзінің қысқа фильмдерін ұсына алатын арнайы жергілікті байқау да қарастырылған еді. Музыканың адам өмірін сұлулыққа толтыратыны жайлы қысқа фильмімен автор @monaalemi, отбасы тарихы туралы әсерлі қысқаметражды фильмімен автор @karlygash_telearnasy байқау жеңімпаздары болды. Сыйлық ретінде олар Каннға саяхат жасап келді.
Наурыз айында платформада екі жыл қатарынан мәдениет және ақпарат министрлігі, туризм және спорт министрлігі және Kazakh Tourism ұлттық компаниясы қолдауымен #Наурыз2024 мерекелік онлайн-фестивалі өтті. Азаматтар Наурыз мейрамын қала тойлайтыны туралы 27 мыңнан астам бейне және фотоконтент жасады: бұл былтырмен салыстырғанда екі есе көп.
Сонымен қатар платформа 2024 жылғы 8-13 қыркүйек аралығында Астанада өткен 5 Дүниежүзілік көшпенділер ойындарының ресми ақпараттық серіктесі болды. Платформа іс-шараға арналған парақша ашты. Платформада жарыстардан тікелей эфир жүрді және қолданушылар #WorldNomadGames2024 хэштегі бойынша іс-шара туралы видео түсірді.
Биылғы тамыз айынан қыркүйек айына дейін #ГидПоКазахстану жобасының кезекті кезеңі өтті. Жоба барысында Қазақстанға саяхат туралы 24 мыңнан астам бейнеролик жарияланған.
Платформа үш жыл қатарынан білім және және жоғары білім министрлігі қолдауымен #Қазақстан мұғалімі байқауын өткізді. Бұл ұлттық жарысқа мектеп мұғалімдері, орта және жоғары оқу орындарының оқытушылары қатысты.
Платформа Astana Hub-пен бірлесіп стартаптар үшін кеңейтілген білім беру бағдарламасы – StartUp академиясын іске қосқан еді. Осы бастама аясында Қазақстан, Әзербайжан, Өзбекстан және Қырғызстан стартаптарының өкілдері платформада табысқа қалай жетуге болатынын және қоғамдастықтың назарын өз өніміне аудару туралы үйренді. Жобаға 200-ге жуық стартап қатысып, оның 10-ы питч-сессия қорытындысы бойынша жеңімпаз болды.