Ақтөбе облысында Т.Жүргенов ауылынан Айке ауылына дейін жол жабылады. Бұл туралы «ҚазАвтоЖол» ҰК баспасөз қызметі хабарлап отыр.
2024 жылғы 27 қарашада сағат 08:00–да Ақтөбе облысында 89 км автожолда орналасқан теміржол өткеліндегі рельстерді ауыстыру бойынша жөндеу жұмыстарына байланысты «Қарабұтақ — Комсомольский — Денисовка — Рудный — Қостанай» автожолының 83-198 шақырым аралығында (Т.Жүргенов ауылынан Айке ауылына дейін) жүк және қоғамдық көлік түрлерінің қозғалысына шектеу қойылады, — делінген хабарламада.
Жолды 2024 жылғы 27 қараша сағат 14:00–де ашу жоспарланған.
Айта кетейік, 1403 байланыс орталығына хабарласып, тәулік бойы қосымша ақпарат алуға болады.