ІІМ мопедтерді тіркеуге арналған құжаттар тізімін жариялады. Құжат көлік құралдарының жекелеген түрлерiн мемлекеттiк тiркеу және есепке алуға бағытталған.
Себебі Қазақстанда аталған көлік түрінің қатысуымен жол-көлік оқиғалары жиілеп кеткен. Мәселен, Алматының өзінде жыл басынан бері 360 осындай жағдай тіркелді. Соның салдарынан 364 адам зардап шексе, алты адам қаза болған.
Сондықтан министрлік мопед жүргізушілеріне 2014 жылғы 2 желтоқсандағы № 862 бұйрығына толықтырулар енгізу туралы шешім қабылдады.
Оған сәйкес мопедтерді тіркеуге арналған құжаттар тізімі белгіленді. Ол үшін:
- жеке басты куәландыратын құжат;
- Салық кодексінінің 553 және 615-баптарында көзделген тіркеу алымымен КҚТК, МТНБ бергені үшін мемлекеттік баждың төленгенін растайтын құжаттар;
- техникалық құжатты немесе мопедтің техникалық сипаттамалары туралы ашық ақпараттық көздерден алынған мәлімет;
- иесінің өтініші;
- көлік құралын бастапқы тіркеу кезінде берілген көлік құралын қарап тексеру актісін ұсыну керек.
Заңға қол қойылды.