Шығыс Қазақстан облысында жер сілкінді. Бұл туралы төтенше жағдайлар министрлігі хабарлады.
ТЖМ «Сейсмологиялық бақылаулар мен зерттеулердің ұлттық ғылыми орталығы» ЖШС сейсмикалық станциялар желісінде 10 ақпанда сағат 14:24-те жер сілкінісі тіркелді. Эпицентр Алматы қаласынан шығысқа қарай 1023 км жерде Ресей аумағында, Қазақстан шекарасынан 30 км жерде орналасқан. Риддерде 2 балл деңгейінде сезілді.
Зардап шеккендер мен қираған нысан туралы ақпарат болған жоқ. ТЖМ бөлімшелері жергілікті атқарушы органдармен бірлесіп коммуналдық және гидротехникалық құрылыстардың жай-күйіне тексеру жүргізеді, — делінген ведомство таратқан хабарламада.