Ауыл шаруашылығы министрі Айдарбек Сапаров биылғы егін жинау науқанында қандай қиындықтар бар екенін айтты.
Биыл егін жинау науқаны қиын өтіп жатыр, 25 күн жаңбыр жауды. Өнім 6 миллион тоннаға аз болды, — деді Айдарбек Сапаров үкімет кулуарында.
Сонымен бірге министр бидай сапасының төмендегенін айтты.
Былтыр үшінші-төртінші сұрыптағы астық шамамен 90% болса, қазір элеваторларға әкелу деректері бойынша, ұн жасауға қажет үшінші сұрып шамамен 35%. Төртінші сұрып 20%-тен асады, ол да ұнға жарайды. Ал одан төмені жем-шөпке жіберіледі. Қымбаттауды көріп отырған жоқпын, керісінше, арзандау байқалады. Қазіргі уақытта фермерлер бидайды сата алмай жатыр. Сондықтан азық-түлік корпорациясы бағаны жариялайды. Бірақ тұрғындар қорықпауы керек, астық жеткілікті, — деді Айдарбек Сапаров.