«Қазгидромет» РМК синоптиктері мереке күндерге арналған ауа райы болжамын ұсынды.
Синоптиктердің мәліметінше, еліміздің басым бөлігі антициклон сілкінісінің ықпалында болады. Күн ашық және жылы болуы мүмкін.
Елдің оңтүстігі мен оңтүстік-шығысында, атмосфералық қысымы төмен аймақтарда бұлтты ауа райы сақталады, найзағай ойнап, жаңбыр жауады, — деді синоптиктер.
Республика бойынша тұман болуы мүмкін. Оңтүстік-батыста шаңды дауыл соғады, оңтүстікте және оңтүстік-шығыста жел күшейеді.