Тергеу барысында «К» деген азаматшаның 2017-2018 жылдарда тұрғын үй сатып алуға жәрдемдесуге уәде беріп, Қазақстан азаматтарынан 85 миллион теңгеден астам ақшалай қаражатын алдап алғаны анықталды.
Қылмыс жасағаннан кейін азаматша «К» қылмыстық қудалау органдарынан жасырынып, оған халықаралық іздеу жарияланды.
2023 жылғы қаңтарда күдіктіні Украина аумағында сол елдің құқық қорғау органдары ұстады.
Бүгін Қазақстанның бас прокуратурасы мен Интерпол қызметкерлері шетелдегі әріптестерінің көмегімен азаматша «К»-ны біздің елімізге экстрадициялады. Қазір ол Астана қаласының тергеу изоляторына қамалды, — делінген баспасөз қызметі таратқан хабарламада.
Жоғарыда айтылған қылмыс жасаған азаматтар 5 жылдан 12 жылға дейін бас бостандығынан айырылуы мүмкін.