Түркияның төтенше жағдайларды жою басқармасының хабарлауынша, зілзаладан кейін 6 210 афтершок болған.
Апат аймағында барлығы 216 166 шатыр орнатылды. Түркияның екі провинциясынан басқа барлық жерде күшті жер сілкінісінен кейінгі құтқару жұмыстары аяқталды. Апат ошағы Кахраманмараш пен Хатайда іздеу-құтқару жұмыстары жалғасады.
Айта кетейік, 6 ақпанда Түркияның оңтүстік-шығысында магнитудасы жеті балдан асатын екі жер сілкінісі болды (жергілікті уақыт бойынша 04:17-де – 7,7 балл және 13:24-те – 7,6 балл). Дүмпу елдің 10 провинциясында, сонымен қатар шекаралас Сирияда да сезілді.