Басты бет Жаңалықтар Астана мен Челябинск арасында әуе рейсі ашылады

Астана мен Челябинск арасында әуе рейсі ашылады

Астана мен Челябинск арасында әуе рейсі ашылады. Бұл туралы индустрия және инфрақұрылымдық даму министрлігі хабарлады.

Фото: Рarstoday.com

Баспасөз қызметінің мәліметінше, азаматтық авиация комитеті халықаралық қатынасты одан әрі жаңғыртып, ашу жөніндегі жұмыс шеңберінде Ресей Федерациясының авиациялық билік орындарымен бірлесіп, Астана – Челябинск бағыты бойынша тұрақты тікелей рейстерді ашу мәселесін қарастырды.

Бұл қолға алынған жұмыстың нәтижесінде қазақстандық Qazaq Air әуе компаниясы биыл 13 ақпаннан бастап De-Havilland Dash 8-Q400 ұшағымен аптасына жиілігі 3 рейспен жалғасатын Астана – Челябинск маршрутымен тұрақты жолаушылар рейстерін іске асыруды жоспарлап отыр, — делінген хабарламада.

Айта кетейік, кеше Астана мен Бейжің арасында тікелей әуе рейстері қайта ашылғанын хабарлаған болатынбыз.

Exit mobile version