«Ауыл» халықтық-демократиялық патриоттық партиясының төрағасы Әли Бектаев мәлімдемесінде былай деді:
«Ауыл» Халықтық-демократиялық патриоттық партиясы өз қатарында тек ауыл шаруашылығы қызметкерлерін ғана емес, жалпы ауылға жанашыр азаматтардың көпшілігін біріктіреді. Біздің қатарымызда аграрлы сектор, білім және медицина, әлеуметтік сала қызметкерлері, ғалымдар мен зиялы қауым өкілдері бар. Қазақстандықтардың жартысына жуығы ауылда тұрады.
Ауылды, ауылды аумақтарды дамыту, ауыл шаруашылығын өркендету біздің мемлекетіміздің азық-түлік қауіпсіздігінің негізі болып есептеледі. Бұл — біздің партияның бастапқы және өзгермейтін саяси бағыты. Сондықтан «Ауыл» халықтық-демократиялық патриоттық партиясы парламенттің төменгі палатасы мен мәслихаттарға сайлау өткізуді құптайды.
Біз Қазақстанда партиялық өрістің кеңейгені мен саяси күштер арасындағы бәсекелестіктің дамып келе жатқанын көріп отырмыз. Бұл бізді қорқытпайды, керісінше, ынталандырады. Себебі біздің саяси платформамыз бар. «Ауыл» партиясының ауыл және ауылды аумақтарды дамыту концепциясына қосатын өзінің ұсыныстары бар.
Сондықтан біз жаңа сайлау циклінде адал және ашық күреске дайынбыз.
«Байтақ» қазақстандық жасылдар партиясы төрағасы Азаматхан Әміртай былай деді: